Tuaite

Phuahtu: Rdi Fanai
Satu: Caroline Biakthansangi

Samtlang par mah uar ten an vul,
Hei ang hunpui kan thlen chu;
Zaleng kim ten partlan vahkhuai iangin,
Kan chen hlimlai par chu.

Hei ang khuavel mawi zia ka hril seng lo,
Vangpui mawina par tlan lanu leh val rual ten;
Vanglai chenin hringnun an chhiar,
Lamtluang mawiin laichhuat an chhir.

Lam sir tuamin zaitin vawr e,
Nau thar lawmin sir an sawn;
Van sang siar indi biain an kai,
"Nau hmeltha chu khawi nge?" tiin.

Berhva iangin pau thiam ila,
Rimawi lenmawi ten fan ka nuam;
Nau thar chibai bukin i lam dun ang,
Lamtluang zau nuamah seih dunin.

Zaleng lungduh lawmlai hianin,
Ka lawm ni la, tuaite;
Tawnmang ram thlengin ka vuan nang che,
Van thereng ramah kir dunin.