12 Dec 2022

 Zawlnei ten an hrilhlawk

Phuahtu: Lalhmingliana Sailo (Sialsuk)

Zawlnei ten an hrilhlawk Bethlehema nau piang tur,
Tunah a lo piang ta khawvel tlan turin;
Kan sual zawngte phur turin nausen duhawm i ni,
Kan hlimin kan lawm che.

Van mipui ten an lawm ang khan,
Keini pawn i lawm ang u;
Kan thinlun chhungah hian lo lal rawh,
Lal dang kan ngai lovang.


Hawh u, i lawm ang u, Bethlehema nau piang chu,
Chhandamna tur a ni he nau duhawm hi;
Hlim takin i lawm ang u, Chhandamna kawng a siam,
Van Lal fapa ngei chuan.

Bethlehema nau piang, a zalna tlawm mahse,
Lal ropui ber a ni, lei leh vanah hian;
Nau piang zawngah i mawi chuang e,
Lei mite hmangaihtu, chibai kan buk a che.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: