Ka duat ngawt ang che (Laltanpuia Tochhawng)

Phuahtu: Laltanpuia Tochhawng
Satu: Laltanpuia Tochhawng, Kimkima, Ctea Chhangte, Joseph Fanai

Ka tawn tawh leng zawng te kim te'n ka han dawn a,
Bawihte, nang ai hmeltha an awm chuang si lo;
Ka lenrualduh te pawn e, hmeltha an ti che,
"Kumtluang thaia'n i hual ang aw," min ti.

Aw, ka thinlai min hnemtu i ni,
Ka lunglai tihlimtu ber i ni a;
Aw, ka va han hmangaih vawng vawng che em,
Run hmun leng ila chuan ka duat ngawt ang che.
(A tawp nan: Run hmun leng ila chuan ka duat viau ang che)

Tu nge i lungdumtu? Tu ber nge i thlan?
Eng vangin nge, bawihte, min hnawl bik ang le?
Ka lenrualduh te pawn e, "in inhmeh," min ti,
I chun leh zua te paw'n min iai bik lo'ng.

Hmanah chuan e, bawihte, ka lo hre lo che,
Tunah chuan ka hria che, ka hrereng tawh ang che;
Ka lenrualduh te paw'n e, "nei mai rawh," min ti,
Ka chun leh zua te pawh an hlim ngei ang.