Di bawihmami

Phuahtu: Lalvulmawia Pautu

Lunrun chhawrthlapui a lo en changin,
Suihlunglen a thar nang vangin;
Par ang an vul chiai zaleng zawngte,
I sakhmel tawn loh kar a rei vawng vawng.

I tling zo ngei mai kei ka tan reng hian,
Aw ka di bawihmam tleitir hmeltha;
Khuanuleng damte'n min veng tawn zel rawh,
Lung mah rual te'n leng dun turin.

Dawn kir ve ang maw nunhlui liam hnute,
Kei ka di ngaih lai a zual thin e;
Lung min hersan hi ka hlau ber mai,
Nang lo chuan hlim zai ka rel thei lo.

Len dun zai rel ve ka nuam, lungrunpui,
Vanglai ni par ang a chuai hma hian;
Mual zapui kar danah leng mah la,
Ai ang i cham reng e dawnlungrukah.