Fuihna hla (Sual lam tluang i zawh kan phal lo)

Satu: Remkimi Cherput

Chung Khuanu'n min venna zarah,
I lo seilian, aw bawihte;
Panlai tlawm nun kha chhawm la,
Hringnun mawi duhawm tak chu,
Tunah zawng engkima kan engkim i lo nih tak hi.

Sual lamtluang i zawh kan phal lo,
Hmangaihna a dai dawn si lo;
I thinlung phekah ziak la,
Mit naute iang vawng reng la,
I nun ngeiah lo lang zel se,
Thinlai dawn a kim ngei ang.

Mite'n engkim ti thin mahse,
I tan tih a rem ve lo;
Kan nun Lalpa'n a chhiar reng e,
Kawlvalenchham karah pawh,
Zofate sakhming timawitu lo ni ang che.

Thian duhawm tak Lalpa dil la,
Damchhung thian rinawm tak chu;
Lungngaih ni leh lawm niah pawh,
Hrehawm, nuam tuar tlang zelin,
I thian tan engkima rintlak lo ni ang che.