Hmangaihna sut let tur hian

Phuahtu: Lalnunzama

I sakhming pawh ka hriat hamin,
Ka hmangaihna che lan tirin;
Leng zawng zingah ka thlang ber che,
I dawn lungruk pawh hre lovin.

Aw le, i hmangaih chu pawmin,
Thlangkhuandimin mual liam mahla;
Nghilh bik suh ang che hmangaihtu hi,
Thlafam dairial i chan hma zawng.

Kara hmelma dawtthuleng hian,
I dawn lungruk a tiher maw?
Ka hmangaihna sut let tur hian,
Ka rinawmna hian a duh lo,

Ka hmangaihna biahthu hlanin,
I tan ka rawn inhlan ve a;
Mahse, i tan chuan dawtthuleng,
Mai maw lo ni le, lungrun!