Sialsuk khaw kang hla (Tin kim ka dawn changin)

Phuahtu: Laltanpuia (Sialsuk)

Satu: C Vanlalruati

Tinkim ka dawn changin lunglen za te'n a tho leh thin,
Kan vangkhawpui dar ang lenna a chul zo ta;
Ar ang vaihna sumtual a zau thlawn e,
Tap ruai ila tlang zapui leng relthang ka phur nang e.

Awmkhua a har tlai ni len ka zuam ne'maw,
Nghilh ni i awm dawn lo khaw thal romei chu chang mah la;
Ti hian nghilh loh biahthu ka tiam che,
"Aw Sialkhawpui, lung phang lo te'n dam takin aw, mangtha."

Awmkhua a har nau ang ka tap, thinlai a dam thei lo,
Kumsul a vei kan nun khuarei a chang tur hi;
Suihlunglenin zaii ka chawi ang che,
Aw Sialkhawpui, nemrang puana awih rual i awm si lo.

Khuatin a fang, tlang tin a zui, awmharte min hnemtu,
Lo kir leh la, kan vangkhawpui dairial  a chang zo ta;
Suihlungrualte'n tah zai i rel ang aw,
Awi za ila awmhar lunglen dai te'n a kiang mahna.

Puini a tawng kan vangkhua hian lal lai a sang tual tual,
Kawrvai i hnawl ang aw, zalen nan kawl a eng mahna;
Rangka dartui ngeiah i chuang ang aw,
Hlim zai i vawr ang thlang sappui biahzai a thang ta e.