Duat lai ate

Phuahtu: Lallianmawia Pachuau
Satu: Lallianmawia Pachuau, Lalruatfela Pachuau, Israela Pachuau

I lenrual nen suihlung rualte'n,
Hlimtêa laitual lên hnu khân;
Nui hiau a rûn lam i lo hawnin,
Rûn pâwn lêr doral iang a hrâng e.

Ngaih lâi duat lâi Atê,
Kan ngai bâng lo che.

Kan tâwna vanduaina rêng hi,
Dâwn thiam hian kan mawi lul lo ve;
Kan rûn dawh sâng lâi i fam chhan kha,
Fâr kungpui iang rêng a sâng si lo.

I chun leh zua chinlâi lêngte,
Kan nunkhua hlimte'n min siam a;
Hraichâwi duhlâi hei zawng zingah,
I sakhmêl a mâwi hluan kan ti che.

Dâwn lungrûk phâng êm êmin e,
Damna rûn belh zâi kan rêl a;
Kan nghahhleh tlâikhua lo vâr chu,
Hrai duh lêng then nan a lo ni e.

I hringnun pârmawi vullâi chuan,
Sênlâi nau lawm zâi i rêl thin;
Tunah hraichâwi thar a lo piang e,
Lawm leh zâi i rêl dawn lo'm ni?