Hmangaihtu dik

Phuahtu: Asanga
Satu: Asanga Project ft Ruatpuii

Tu nge ka nih i hria a,
Eng nge ka tih theih reng i hai lo ve;
Eng nge ka neih i hria a,
Chhuan tur ka neih loh i hai lo ve,
Mahse, nang chuanin min kiansan ngai lo,
Min phatsan ngai lo, min zahpui ngai lo,
Ka tan chauh i awm reng,
Lungngaih ni, tah ni, hlim ni zawng pawn.

Hmangaihtu dik chu i lo ni e,
Hei ang renga ka hma ngaitu;
Hringmi leng dang zingah hian,
Awm thei ang i maw,
Hmangaihtu dik ka tan chauh awm zel la,
I tan ka theih tawk beitham mahse,
Ka neih hlu ber he ka thinlung hi ka hlan a che.

He hringnun zingkawng tawite,
Hlimthla ang a ral mai turah hian;
Damchhung khawsak lungkhamna,
Ropuina leh hausakna zawngte,
Kar min dantu, min then hrangtuah chang lul lo se,
Nang leh kei hi hrual hrui ianga,
Min phuar nghettu lo chang zel rawh se.

An sawi thin a maw,
"Hmangaihna dik a vang tawh," tiin,
Mahse, kei zawng nang i awm chuan,
Ka buai lo ve.