Kan ngai bik lo'ng

Phuahtu: Marina
Satu: Joseph Zaihmingthanga & Zosangliani

Ka hlimna leh ka lawmna ber,
Nang ngei i ni ka lungdumtu;
Thaleng dang chu sira hnawlin,
Ka tangah han bei mai teh la.

Kei suihlungmawl hianin,
I lung ka dum zo em le?
I kianga awm chu e, valmawi,
Ka duhaisam a ni fo thin.

Ngurpui nun kan ngai bik lo'ng,
Kan hlimna kawl a eng ta;
Hun kha len chen ka lo thlir thin,
Hmangaihna ramnuam kan chuang kai ta.

Duhaisam a kim ta, lungrun,
Ka thinlung hi lawmin a khat;
Sawi tlang rel dawn lo vin, mengmawii,
Tham ral lo hmangaihna ka hlan che.

Zum leh hriam karah pawh, duhlai,
Inhmangaihna pangngai reng se;
Bawrhsawmna lo thlen hunah pawh,
Engmahin min daidang lo se.

Nang tawn loh chuan chhunni a rei,
Karah chun leh zua hrang lo se;
Di ka lo chhai ve tawh thin a,
Hetiang em hian ka la vei lo.

Ka parmawina thliak tawhin,
Rawllai kham lo di chhaisan nun,
Min neih san chuan e, valmawi,
Ka chan tur chu damlai thlan thim.

I tan chuan engkim ka huam a,
Runlum nuthaia'n ka thlang ber che.

Valmawi, thutiamah han ding nghet la,
Keipaw'n ka tiamna che rinawmna.