Min hnem zo lo

Phuahtu: PC Rokunga & Laltanpuia Tochhawng
Satu: Laltanpuia Tochhawng

Ngâi hian ka dâwn vawng vawng thin,
Hlimte’n suihlung kan rual lai kha;
Ka hlimna pâr a tliak ta,
Thinlai chhâwl ang a ngui riai e.

Lungduh thlafam chang tawh hnu,
Ngâia lunglên hi;
Lêng zawngte hian min hnêm zo lo,
Aw, suihlung han lêng zual leh -
Deuh se chuan aw,
Ka nunna hian a tlin tawh lo’ng.

Aw, min dâwnpui ve teh u,
Min hnêm tur pawh in awm mahna;
Ka lunglên nêm ve tawh la,
Khuangruah sur pawh a bâng ta e.

Lunglên tinkim vâwr dûn a,
Zâitin vâwra zâi kan tuah lai;
Hun her zêl hian lungduh nen,
Sam ang then zai min rêltir e.

Thlafam min chansan mahla,
Rauthlâ talin min awmpui rawh;
Min han dâwn ve thin che maw!
Aw, min han ngâi ve thin tak che maw?