Ka Pa Khuma

Phuahtu: SaiWanah
Satu: SaiWanah & Mary Dawngi

Run tlawm te tak tê leh hmun zau vak loah chuan a khawsa,
A ui, a ar, a ran vulh laite chu,
A țhian țha berte an ni,
Ka pa Khum, eng hna nge i thawh?
Eng chu nge i ei zawnna?
I hlim i nui reng thei bik a!
Eng chu nge maw i hlimna thuruk?

"Eng nge ka ei ang, ka in ang tihah ka buai lo,
Mahriak tea tu hriatpui loh hlimna nun,
Eng pawh lo thleng se lawm takin ka dawngsawng țhin,
Khawvel hmuhah riang mah ila,
Chung Khuanu nena leng dunin tu dang kan ngai lo,
Sirva hram thiam hram ri leh lui luang ri mawi te'n min awi,
Vaivuta siam vaivuta kir leh mai tur hian,
Eng nge maw lungkham tur ka neih le!"
Tiin min chhang.

Ni tla vanvuaiin rim takin a thawk,
"Mi hausa ka ni," a ti,
Mahse, tangka leh lunghlu sen țha mi,
Lei rohlu chhuan tur a nei lo,
Ka pa Khum, eng hna eng i thawh?
Eng chu nge i ei zawnna?
Mi hausa ka ni i ti sia
Eng chu nge i hausakna thuruk?

Khawvel eng mawi kan hmuh ni apangin,
Kan boralna ni tur kan pan,
Vawi khat bâk kan piang dawn lo,
Lungngaih nan hun ka hmang phal lo.