Duhlai mapui

Satu: Lianthangpuia

Aw, thinlai ruk a dam thei lo,
Tinkim ka han dawn hian;
Ka lo tawn chu phu loh lungdi,
Ka thinlaia'n a cham reng si,
Engtin nge maw ka tuar ang le?
Mahte'n maw zun ngai hian ka vai leh thin.

Ka hmangaih che, ka hmangaih che,
Min dawn pui la duhlai Mapui,
I zun ngaia tah khua sei tur,
Thinlai dam nan biahthu min hlan ve rawh.

Chan tawk khuarel ka ngai thiam lo,
Nang meuh ka tawn ni chuan;
Van a duai chuang em mai kei zawng,
Ka phu lo che duhlai Mapui,
Mahse, ka hmangaihna vang hian,
Ka dawn thei lo a ni sawi tam tlang rel.

Ka dawn ngam lo hmatiang hun tur,
Zun ngaih bang si lo hian;
Thinlai dam ni awm dawn si lo,
Enga'n nge maw ka lo tawn che?
Tah ti sei thlawn mai tura'n maw?
Ka hmangaihna ban lai theih chang si lo.

Eng dang reng hi ka dawn thei lo,
Duhlai, aw, nang lo chu;
I cham reng thin e thinlaiah,
Min hlan ve rawh i hmangaihna,
I zun ngaih khua ka tlai hma hian,
Duhaisam chu nang nen hlim te'n lendun.