Len lai nite hi

Phuahtu: Vankhama

Chung tur ni a liam a,
Chhai leng hnawlin run in sumtualah;
Rual lo zuang tum ve u,
Len lai par i tlan ang;
Lungduh len lai ni,
Zaiah chawi ila.

Iang thei reng a awm lo'ng,
Len laini par ang a vul lai hi,
Am zel ila nun mawi,
Hai ang ka tar hma hian;
Len lai nun parte,
Tui ang dam sela.

Kan dam a sei ang a,
Tah leh lawm leh ngui nite karah,
Uar zel ta'ng e hlim hlai,
Mual za pui liam lo vin,
Len lai nite hi,
Hlim lai nite hi.

Zai tin thang kan vawr a,
Hawikawm lenrual duh hei zawngte nen,
Tlangin min sel lo u,
Len lai kan chen ve e;
Lei lai nite hi,
Kan la ngai dawn em.