Zawl khawpui venna

Phuahtu: Rokunga

Zawl khawpui kan vang khua, lentupui zing dum dur,
Sap pui reng lal nan i mawi chuang e;
I tlang chhip sang laiah - i chhunga leng zawngte,
Kan him nan ral ven buk a awm si.

Zawl khawpui ding reng rawh, chung Pathian malsawmin,
I chhunga leng zawngten i par tlan kan ning lo;
Angel varte'n min veng him rawh se.

Zawl khawpui kan vangkhua, chun leh zua run remna,
Muang lovin tunah inpeih thuai rawh;
I inpeih thuai loh chuan nangmah tichhe turin,
I velin ralin an hual ang che.

Zawl khawpui kan vangkhua, chung Pathian malsawmin
Darfeng val rammut nan him rawh se;
Angel var leng rual nen chung lam ralthuam hmangin,
Kan vangkhua nuam hi veng him rawh se.

Vang khawpui khua zawng zawng Lalpa'n a ven loh chuan,
A vengtu chu an meng thlawn ang e;
Chutin Zion kulhpui Lalpa'n a ven ang khan,
Kan vangkhua nuam hi veng him rawh se.

Zawl khawpui kan vangkhua, Isua pawh len vena,
Ralin min do mah se kan hlau lo'ng;
A chhungah lal Isua zan riak a chamna hi,
Tumah rengin an do thei lo vang.