Aw nang Mizoram tlangnuam

Phuahtu: V Hawlla.

Aw nang Mizoram tlang nuam,
Hmasang chuan i mawi ngai lo,
Mahse, tunah, aw Zoram,
I hming a lo thang dawn ta a ni,
Lo var chhuak ang che.

Hriatna pangpar mawi tinreng,
Leh thlifim lenna ram nuam,
Zo tui luanna hmun hring nuam,
Nangmahah an awm ka pianna ram,
Ka ngaina em che.

Nangmaha thil tha lo chu,
Inthawi, se chhun, zu ruih te,
Dan sual tinreng i lo khawl,
Kum tinin a bo zel a ni a,
Dan thain a luah.

Aw, i fate zawng zawng chuan,
Tun lai hian i ropuina,
Hmun tin fangin an zawng mek,
Aw, Zoram i finna thuruk chu,
Rawn theh darh ang che.

Finna i thurukte chu,
An lo leng rim tui takin;
Lusei, Hmar, Ralte, Pawihte,
An lo fing ta, nangmah avangin,
Lo var chhuak ang che.