Di ngaih suihlunglen

Satu: K Lalchamliana

A saw raltiang ka di lenna,
Suihlunglengin ka thlir a;
Min dawn ve ang maw tiin,
Ka thlir vel e, romei karah.

Engtin ngai maw lenrual zawng te'n,
Di ngaia suihlunglen hi;
Kei zawng ka ngai zual thin e,
Sakhmel tawn reng awm thei si lo.

Hlim te'n dar ang tawn leh ni tur,
Thlir chung zelin ka leng vel a;
Dar ang kan lenlai ni te,
Lungchim te'n, aw, ka dawn kir thin.

Tunah chuan dar ang intawngin,
Nun hlui chul hnu ngai lo te'n maw;
Amte'n kan chen e hlim ni,
Eng dang reng kan ngai bil nem le.