Thal romei

Satu: H Lalchawimawii

Suihlunglenin tlang tin ka hawi vel a,
Thal bawm romei zing ri riai karah;
Chhingmit lenin ka thlir ka di lenna vang khua,
Mahse maw, a bawm romei zingin.

Thal romei, kian zai rel tawh la,
Ka thlir ta nge ka di tual lenna;
Ka suihlunglen tah lai ban ve nan,
Aw, romei zing, kian zai rel tawh rawh.

Ka di khan ngai hian min han thlir ve maw?
Suihlunglen hian min dawn ve awm si a,
Kei chu e, min hnemtu di tawng lo reng reng hian,
Suihlunglen ni ka chhiar leh thin.

Sirva iangin len thiam ve ni ila,
Tlang tin mual tin romei zing riai karah;
Thlawka lengin ka di tual lenna vangkhua ngeiah,
Ngaihngam te'n siang ka lawi tur a.