Vul ni a tawi

Phuahtu: T Zorampela
Satu: K Lalchamliana

Fam chang ta lo chu sial anga thangin,
Vanglai vul lai ni te ka tawng ve a;
Zai tin rimawi nen hlimtea lengin,
Hringnun par thing iangin a vul bung e.

Lei hringmi leng tan zuapaah changin,
Vul ni her liam zel hi ka dawn ngai lo;
Eng kan ti ta nge lanu leh val te'n,
"Ka pu" tia min koh tak mai chu le.

Par ang vul lai ni a tawi mang e,
Vul lai ni a chuai a, hringnun a uai;
Kohkir leh theih mah chang suh se la,
A ngai hianin ka uai, ka thlir vawng vawng.

Vul lai ni a tawi, chul ni a sei,
Dawn chang ni hian lungawi thiam har ka ti;
Vanglai, lenlai ni ngai chung zel hianin,
Hai ang tara fam ni a her dawn si.