Zan lalnu (Tleitiri OST)

Phuahtu: Young Fella
Satu: Young Fella

"A khia'n khian i pa chu a lawi e,
Thang van thianga siar chawngmawi ang hian a thlir reng che, bawihte,"
Tiin a duat lai a rila rah ngei chu a hnem,
Pawisawi lo naupang chuan a neihchhun a chunnu han chan leh bik zawng a phal hleinem,
"Nu, ka hmangaih che, nang tal chuan min kalsan suh aw," ti lawm lawm mahse,
Thihna nunrawngin lainat a nei lo fahrah leh zual turin a laksak,
Huphurh ngawih ngawihtu a laina hnai neih ve chhun chu fin mai a ngai,
A chan tur tha tha chu chhuhsak mahse atan a lai,
Kawl en hun tur a nghahhlelh ber a ni, eng dang aiin,
Malsawmna pawh hian a hmaih bik lo,
A sakhmelah dartui luan tirin, duhsaktu leh ngainatu hlirin a bawm ve thung,
A vanduainate chu thulah a khung, hmalam chu a pan zel a,
Hmana hmeichhe naupang kan hmuh thin kha, tunah a hlawhtling hmel kan hmuh tak hi.

Aw, zan lalnu, i tan tih theih tlem hle mahse,
Hei hi hria la, i tan engkim tih ka huam tih hi,
Nang leh kei chu then hran rual kan ni tawh si lo,
Tleitir hmeltha, i chhingmittui zawng a hul tawh em?

Tunah zawng duhthusam lanu chu ka tawng ve ta che, bawihte,
Karah hmelma hrangin lo buai vel thin mahse,
I nunhlui, sulhnu zawngte harsain lo bumboh mahse,
I nuamsa tawh ngei ang keimah min nei tawh e,
A khi Zosanga'n ka chuanpui nang che,
A ngur nun ngai lo keimah sanghalhriama,
Lasi te tualchaina, an sawi buannel ram dai ka fan pui nang che, i suangtuah ram ngei chu.

Tleitir hmeltha, i zunah chhawl ang ka uaiin,
I nunze mawi a dik ken chhawm nung zel la.