Kaisar lal lai ni tla zam vel

Satu: Mamit Hmunsam Kohhran Pavalai Zaipawl, Aizawl Venglai Kohhran Male Voice

Kaisar lal lai ni tla zam vel khaw chhiarpuiah chuan,
Leilung leh Van Lal ber thutiam a lo thleng;
A thutiam lo thleng chu lawmin van mi,
Fakna rimawiin Bethlehem phul an awi.

"Chungnung berah ropui rawh se,
Chungnung berah ropui rawh se,
Lei chungah remthu leng rawh se," an ti.

Serafim leh mi thianghlim te'n an fak nin loh kha,
Leh tingtang rimawia an fak fo thin chu;
Tlawmin a lo piang Bethlehem daiah,
Van khawpui tualnuam chu a ngai dawn mang e.

Retheih tuarin ram thianghlim dung leh vang a fang vel,
Kei mi sual vak bo tawh hnu chu min zawngin;
Leh Van Lal thutthlenga ka thut theih nan,
A Lal puan hlipin ranthlengah a lo mu.

He Lal lo piang hi a pui apangin fak ila,
Rimawi tinreng leh kan rilru zawng zawngin;
Tuiluang leh thlifim pawhin fak rawh se,
A chanchin mak hi ram tinah leng rawh se.