Krismas biahthu

Phuahtu: Rev. Run Luah Thang
Satu: Saronpar (Parboih)

Thal favang lenkawl a lo herchhuak ta,
Zing daifim a far lung a leng e;
Lenrual hlui zawng te khawiah tuan che u maw,
Hmanlai an chang zo a pawi em mai.

Van Lal fapa lo pian ni chu kan thleng leh ta e,
Hlim leh lawmin i zai ang u;
Sir tiang sawnin sirva te iangin e,
Hmatiang dawn lo te'n i her dun ang.

(A tawp nan: Hmatiang dawn lo te'n  i lam ang aw)

Zankhua lo tlaiin zanlai thlifimin,
Biahthu an rawn hlan, Krismas biahthu;
Bawhar zai vawr te'n vartian an nghak e,
Van Lal lo piang tur ka lo nghak e.

Zai tin thang vawrin lenrual lungduh nen,
Van Lal lo piang chu zai rimawi nen;
Perhkhuang tingtang nen eng dang dawn lo te'n,
Phei khai vawr zain i her siau ang.

Vanglai sulhnu te ka dawnkir changin,
Suihlung zawng a leng kan tuanna tlang;
Chhawrthlapui eng leh siar eng zawng te'n,
Vangkhua an en e, a mawi ber mai.