Nausen hmeltha a lo piang ta

Phuahtu: C Vanlalmalsawma
Thluk siamtu: Lalremsanga Khiangte
Satu: Lalremsanga Khiangte

Lal Krista piancham kan thleng leh ta,
Kar hlaa leng lenrual lungduh te u;
Mangan, lungngaih, buaina te dahthain,
He hun lawmawm hi i chen ang u.

Zai ila, lam ila, nui ang u,
Nausen hmeltha a piang ta;
Amah fakin thinlung hawn ila,
Hei ang hun nuam hi awm hian ka ring lo.

Siar eng mawi ber a lo lang ta,
Khawchhak mi fingte chuan rawn zui zelin;
Chibai bukin an rohlu an hlan ta,
Keini paw'n chibai buk ve ang u.

He hun nuam hlimawm takah hianin,
Van zai ropui ber chu zawm ve ila;
"Chungnung berah Pathian chu ropui se,
Leiah remthu leng rawh se," an ti.