Ngaiteh vawiin van Lal fa pian ni

Phuahtu: F Lalthanliana
Satu: Ramhlun Kohhran Pavalai Group Zai

Ngaiteh vawiin van Lal fa pianni,
Lawmin van mipui ten zai an rem;
Van seraf leh angel leng rual te'n,
"Remna leng se," tiin zai an sa.

A pianna bawng in chu tlawm mahse,
Lei leh van Lal ber, Chhandamtu;
I fak ang u, kan aw neih zawng nen,
"Haleluia, ropui se," tiin.

Hmun khawhar leh zan daifim nghaka,
Berampute beram ven laiin;
An hnenah vantirhkoh inlarin,
Hla mawiin Lal pian thu rawn hlan e.

Khawchhak mi fing pawh siar eng mawi,
Zuiin Bethlehem bawng in tlawmah;
An rohlu ber te chu rawn chawiin,
Lal thar piang chibai an rawn buk a.