Ka phal lo

Phuahtu: Madina Khiangte
Satu: Sumeon Khiangte

Lungruka tinkim ka han dawn a,
Thinlai lungruk zawng a na ngei e;
Hmangaihna par tlana kan lenlaiin,
A riang tah nan biahthu min hlan leh si.

A pawi, a pawi ngei e, ka tan beisei bo,
I sakruang leh kim tlang lengdang tawna,
Vul tur chuan ka phal, ka phal lo;
Ka chan, ka chan tur hi i dawn lo vem ni?
An sawi damlai thlan thim mai maw mi chantir tak, bawihte.

Ka tangnemah hlim te'n i bei lai khan,
I hai mawlh lo asin kan tiamthu zawng kha;
Mahse, tunah lengdang min belh san hi,
Ka tuara'n zawng, lungrun, a sang lua e.

I suihlung dumtu ngei tangah chuan,
Thinlai dam te'n, aw, i bei ta sia;
Kan kar hmangaihna chu par ang thliakin,
Kumtluang atan i chuai tir ta maw?