A kim ngei ang (Thingtlang Tlangval OST)

Satu: Israel lalbiakrema, Mimi K.Lalnunfeli & Sangtei Khawlhring

Zaiin ka chawi nang e,
Aw, ka thinlung luahtu,
Duhaisam kimna chu i ni,
Tupawh mai hian an hel che,
Tu hrai chawi len nge i nih le?

Siamtu hi a lo va ropui em,
I kimtlang mawizia ka dawn chang hian,
Ka ta han ni mai teh la,
Lunglawm a kim ngei ang.

Val zawng zingah ka lung i dum ber mai,
Ka hlim thin asin i kiangah chuan,
Ka kiangah awm la kal bo lo vin,
I tan ka hlan ka hmangaihna.

Chhan let loh hmangaihna,
A na asin, duhlai,
I tana thian bak ka tling si lo,
A baka kal thui hi ka chak em e,
Mahse, a rem ve dawn si lo.