Ka tling lo a ni

Phuahtu: Ngurthangvela
Satu: Helen Zaithankungi, H Vanlalhlana

Duhlai, nang nen kan lenna a dang,
Hmanah thaikawi ziatial kan zirna;
A run in leh hmun reng a dang si lo,
Tunah kan lawina run a dang ta.

Ka tling lo a ni, mampui,
Biahthu di nem te'n min hlan kha;
A chhan ka thiam lo, ka tling lo a ni.

Kan lenna tlang te chu dang mahse,
Bawihte, thinlaiah i thar leh thin;
Ti hian min zawt runlum puia'n,
Mahse, a rem lo, a rem mawlh si lo.

Lunglai chhiar hian chinlem a nei lo,
Tunah tangdang belin i liam ta;
Khiang i lo awi tleidang tawnah,
Kei pawn tleidang ka chhai ta'ng e.

Thaikawi ziatial runsang lo kai a,
Chun leh zua te'n an rem si lo maw;
Ka hmangaihna che a dai chuang lo,
Mahse, a rem tawh lo maw, lungrun.

Aw, vawi khat tal dar ang intawngin,
Pawmlai lungdi thenin, aw, nang nen;
Kumtluang runlum nuthai chang la,
Rel ka nuam ngei, aw, enchimloh.