Min dawn ve rawh aw

Satu: Joseph Zaihmingthanga

Hlim zai rel hi a har ngei e lungrukah kim ten dawnin,
Nghilh ni awm lo nang nena hlim te'n buan ang pawma lenlai ni te;
Tawnmang mai an chang tur kei zawng ka phal thei mawlh lo asin,
Mahse, lengdang tang belin ariang hi sira'n min hnawl si maw?

Lung di sam ang then zawng tuar a har,
Lenrual lungduh zawng te'n min hnem zo si lo;
Leng dang tawnah dam te'n liam mah la,
Sakhmel tawn chang chuan lungruka'n min dawn ve rawh aw.

Laikhum zala tinkim dawn hian ka ngaizual thin che asin,
Mahse maw, nang chuan min dawn lo rengin hnutiang min chhawn ta sia;
Nang ngaih vanga luaithli nula hun leh ni ka hman zawng ten,
I tan chuanin awmzia reng reng hi a nei mawlh si lo maw.

Nang ngaia suihlung ruk ka dum zawh chuan si loh chuan,
I lungdumtu tangah chuan lungdam tein va bei ta la e;
Kei zawng maw Khuanu ruat ariang ka chan hi pawm zai relin,
Mahriak te'n nunhlui ngai chung zelin kiam mai nang e.