Pass lawmpuina hla

Phuahtu: Lallianmawia Pachuau
Satu: Lallianmawia Pachuau

Thaikawi zirna runah kan lawi a,
Thiamna leh hamthatna chang turin;
Chutin hlawhtlinna leh vanneihna kan dawnga;
Chung Pathian thil thlawnpek a lo ni.

Aw, ka thian, ka lawmpui a che,
I thiam i finna leh hlawhtlinna te;
Ka lawmpuina thuchah chu hei hi lo ni sela,
Rinawmna leh thudik tan zel rawh.

Aw, ka thian, hei hi lo hre reng la,
Hmatiang sawn lai puan ang bang lovin;
I thiamna leh i hriatna pangpar mawi tak chu,
I ram leh hnam tan vul ngei rawh se.

Chhuihthangval rual leh lengi te u,
Dan sual hming chu i hnawl zel ang u;
Thinlung chhia sakruang puan mawia  tuam ai chuanin,
Nundan mawi thlehnem puan i chawi zawk ang.