Theih chang se

Satu: Elizabeth Zodinpuii

Mahriaktea awmhar run nghah changin,
Nghilhni awm lo rawllai di te kha;
Ka dawn ngai lo, aw, ka lo dawn phak mawlh lo,
Tiang reng a nun hlui ngai tur reng hian.

Theihchang se siahthing zar bel thuva ianga lendun;
Ka nuam ngei e, tu dang ngai lo tein,
I tangnem bel ve ila.

Duhaisam mai maw ka chan tawk hi?
I dawn lungruk reng hre si lo khan e;
Biahthu di ka lo hlan ve che kha,
Lunglai a na, nem te'n min chhang si lo.

Thin lai na ngei, kei, a riang rairah tan hian,
Mahse a riang chantawk khuarel lo ni;
Aw le, dam te'n lenlai ni chen zel la e,
Min dawn pui ve maw ka chan tawk hi?

Theihchang se chung thang van siar,
Chawngmawi-Hrangchhuan iang a;
Amtea indiin lenlai par tlan vein,
Lei lunglawm a kim ngei ang.

Duhaisam mai maw ka chan tawk hi?
I dawn lungruk reng hre si lo khan e;
Biahthu di ka lo hlan ve che kha,
Lunglai a na, nem te'n min chhang si lo.

Theihchang se siahthing zar bel thuva ianga lendun;
Ka nuam ngei e, tu dang ngai lo tein,
I tangnem bel ve ila.

Duhaisam mai maw ka chan tawk hi?
I dawn lungruk reng hre si lo khan e;
Biahthu di ka lo hlan ve che kha,
Lunglai a na, nem te'n min chhang si lo.