Zan mu ka chhin nan

Phuahtu: Awitea Khawlhring (Project Tihtakzet)
Satu: Project Tihtakzet

Nang nena kan intawn ni khan,
Laikhuma zalin ka dawnkir thin;
Tunah chuan kum tam a vei tawh a,
Mahse, thinlaia'n i thar reng thin.
Kan fanna mual, kan sulihnu te,
Fan leh chang hian thinlaia'n i thar.

Mahse, bawihte, lo kir leh hian,
Ka beisei ngam lo che, ka tling tawk lo;
Kan nunhlui dawnkirin chawltui ningzu ka dawn thin a,
Zan mut chhin ve nan tiin,
Zan mu ka chhin nan.

Zantlaiah nang nen indi dunin,
Hlim takin nang nen kan lo nui dun;
Hal lo va ban vuana inpawmin,
Duhthusam zawng te kan lo hril dun,
Mahse, zingtian khua lo varin,
Tawnmang mai mawl mai, ka ngai em che.

Nun hlui ngaia tah chang a awm leh thin,
Kan hlim lai ni ngaih chang a awm leh thin;
Mahse, ti hian ka dawn a,
"Ka kalsan tawh, ka theih angai," tiin,
Tahna ruam chu dai nawn ka tum tawh lo.