Zoawi lelte a fam ta

Phuahtu: RTC Lalduhawmi
Satu: RTC Lalduhawmi, Remkimi Cherput

Zoawi lelte, fam i chang ta maw,
Zawlkhawpui leh Zoram dung leh vang zawng;
Nang sun vang hian a lo ngui zo ta,
Lei hi hnutiang chhawn ram i chan tir e.

Thlafam kir dar ri se, hring lamah lo kir leh la,
Zoawi lelte, kan ngai thiam ne'maw,
Zoawi lelte, kan tuar thiam lo a ni,
A pawi ber mai, fam i chang hi.

Pialral ram mawi thleng ni mah lang e,
Nghilh bik lo la, i then Zofa leng te;
I zaituah rem ngai ning lotu te'n,
Luaithli nulin auh lain an bang lo che.

Zoawi lelte, kan nghilh theih lo'ng che,
I chun leh zua, chinlai lenrual zawng te'n;
Khuarei kumsul tam pawh vei mahse,
Thinlai rukah i hlui lo'ng, i thar zel ang.