Ka dawn sei ngam lo ka chantawk khuarel

Phuahtu: Ngurthangvela

Ka dawn sei ngam lo kan chan tawk khuarel,
Suihlunglen reng reng maw ka chan hi;
Ka di lungrunpui ngaih a zual leh thin,
Ka chantawk khuarel ka dawn ngam lo.

Ka duhlai mampui ka ngai em mai che,
Karah hmelma anka len vangin;
Nang nen kan tuanna hmun leh tlang zawng te,
Nghilh ni ka nei lo'ng che, lungrunpui.

Chhawrthlapui eng hnuaia kan lenna tlang,
Then loh biahthu di maw min hlan kha;
Engan nge tunah nau ang i nuar le?
Nghilh ni ka nei lo'ng che, nunnemte.

Ka tawnmang lungmawlah ka lo tawng che,
I ngaih hian kian ni reng a nei lo;
Leng dang tang belin min liamsan mah la,
Nghilh ni ka nei lo'ng che, di bawihte.

Lungchhirin hmangaih thu hlan thin mah la,
Hmangaih biahthu hlan a sawt tawh lo;
Kei pawh leng dang tawnah ka liam ta'ng e,
Dam takin mangtha, ngaihlai mi u.

Nang pawh i lungdi valmawi nen chuan e,
Hraileng chawiin hlimin leng tawh la;
Kei pawh ka tawn thar di nen chuanin e,
Tu dang ngai lo te'n kan leng tawh ang.