Aw di bawihte

Phuahtu: Ngurliana Sailo

Aw, di bawihte, aw, nang nen,
Kumtluangin run hmunah leng dun ila;
An hril runlum nuthai chang mai teh la,
Bawihte, i tiam lo'ng aw,
Nang nen thenna thu reng reng.

Kumsul lam ang lo veiin,
Suihlung min lentu nang nen;
Biahthu thamral mai lo turin kan tiam a,
Ka dawn kir leh nang nena suihlung rual lai khawia'n nge?
Ka tuar zo dawn nem maw, mahte'n, awmhar lunglen.

Lunglen thu kim hril tur chuan,
Tuanna dang rih thin mah se;
Lungphang lo na'nge awmhar lunglen ni te'n,
Nang nen hlim te'n laitual mawia kan lenlai ni te kha,
A herchhuak leh dawn lo'm ni? Khuanuleng zara'n.