Enchimloh di

Phuahtu: Lalbiakdika Hnamte

Sakhmel par ang duh tea lawm laiin,
Inthen nan kawl a lo eng a;
Thlangkhuandim a liam mah ni lo la,
A pawi em tuanna tlang a dang hi.

Leitlangpui ka di dam te'n chawi nang che,
A ngai hian zan mu chhin har ka ti;
Nghilh ni awm thei lo,
Nghilh ni awm dawn lo, ka di te kha.

Kimte'n dawn ve thin che maw kan hlim lai,
A thar thin kei zawng thinlaiah;
Tlangza relthang phur chung zel hian e,
Hlimte'n len ve hun tur ka thlir reng thin.

Biahthu di nemte'n ka hrilh vel a e,
Enchim loh di nang vang hianin;
Riakmaw valeng iang ka lo vai e,
Chhailai di then zawng a na em mai.

Eng vang nge lung tileng mai tur ka lo tawn,
Tlang relthang ka phurh zawng te hi;
Runlum nuthai chan nan ni mai se,
Thinlai na puan ang ka hnawl ngei ang.