Nunhlui

Phuahtu: Thangbawiha

Satu: Lalrindiki Khiangte (Daduhi)

Thal khua romei ianga zam ral hnu,
Tuantul reng dawn lo vin;
Nunhlui zawng te ka dawn thin a,
Tuahrem loh panlai di then zawng,
Hril thiawm awm tak maw, aw, suihlunglen hi,
Nghilh ni awm thei hian ka ring nem maw..aw...

Tah khua a sei lua e,
Aw, nang ngaih lai bang thei hian ka mawi lo;
Perhkhuang zai tin thiam lung min dumtu,
Ka pawm vawng vawng nang che.

Sam ang then ni lo her chhuakin,
Kumpui sul lo vei hian,
Nunhlui zawng te ka dawn thin a,
Buan ang pawma kan nuih dun lai,
Dawn ve thin che maw, kan hlim ni zawng te,
Nghilh thei reng hian, aw, ka mawi nem maw..aw...

Thinlai hnim zawng,
A kiang mahna;
Perhkhuang hrui ri mawi nen,
Eng dang dawn lo vin,
Ka zai zel dawn,
A tu'n min sel lo u.