Zaimi lungleng

Phuahtu: Rodingliana

Dawn ve teh thiana, hmasang kan pi leh pute pawh khan,
He kan Zoram hi an lo awi thin e, thu leh hlain;
Kut ni vang thla hun pawimawha'n,
Hlim tea lunglen zai vawr zain,
Tawng chi dang reng reng hmang lo vin,
An lawi khawm vel thin Mizo hnam hi.

Chuai ngai lo, aw, rinawmna,
Thinlung hmun khat beiseina sang,
Hmangaihna, aw, hmangaihna,
Tu leng hlau lo vin,
Leng za dialin thinlung hmunkhatin,
Chen zel ang aw, zaimi lungleng,
Vanglai ni thlang kawl a liam hma hian,
I chawi zel ang aw, lunglen hlain,
Am te'n lunglen zai i vawr za ang.

Kim te'n han dawn ila zaimi lungleng kan insuihkhawmin,
Kan hnam thu leh hla a bik taka chawisawn hi ni se;
Thu leh hla a'n suihlung phang lo vin,
Thlang sappui nun reng ngai bil lo vin,
I zai ang aw, i lam ang aw,
Ram leh hnam thinlaiah nghilh lo vin.

Sakhming khuavel than nan lenlai nite hrui angin sei se,
Thang leh thar chhuan tama'n, hmatiang sawnna tur thleng zel se,
Chung Pathian hualhimna zarah,
Kan thangchhuak ngei ang sakhming khuavel,
I bei fan ang aw, lengi, vala'n,
I zam lo vang aw, zaimi lungleng.