Ka chan hi

Satu: Lalruatsangi

Luite dam diai ianga zaidam nunnem leh,
Senhri par ianga ka di lenmawi;
Kumtluang run lum pui atan min tiam a,
Chutin lei hringnun hlimthla iang ral leh mai tur,
Far kung pui vullai iang reng chen laiin,
Eng hian nge maw mawlh che lunglai min hersan?

Tiang hi maw an sawi damlai thlan thim chu?
Ka tuara'n a na ngei, hnemtu ka vai e;
I derna anka engah hmanah ka dan loh,
Suihlungchhirin ban a chen, aw, ka chan hi.

Aw le, i lungdumtu chu pawm ta la e,
Sira i hnawl hnu ariang lungmawl hi;
I tan hmelma leh doral ka chang lo'ng,
Chan a hnehin i hlim nan chuan engtin pawh,
Ka nun zawng pawh i tan ka hlan e, lungrunpui,
I chhai thar nen chuan maw, hlim te'n leng zel nang che.