Ka pa hmangaihna

Phuahtu: Pastor Henry Lalhmuakliana
Satu: Lalthlanthanga (Mathlana)

Hringmi chawia lo piang, hraite ka nih lai khan,
Ka Pa hmangaihna chuan duatten min kuangkuah a;
"Bawihte, hlau suh, i pa ka awm hi,"
Tia min thlamuantu pawh ka pa nang chauh i ni.

Ka pa hmangaihna hi ka rul seng dawn lo,
A tawngkam khat chauh pawh ka tan malsawmna;
Ka aw leh he hla hi, ka pa, i tan ka hlan e.

Tunah hai ang thangin, mual dang bel mah ila,
Ka chawnban vuana min lawm lai ka ngai thin;
"Ka pa, hei hi," tia ka dil thin kha,
Anin ui lo vin ka tan engkim min tihsak thin.

Khawvel fin leh thiamna ka lo zir chhuah theih nan,
Chhun leh zan chawl lo vin ka tan zungzam an seng;
"Lalpa, Lapa," tia min ngen sakna,
Nghilh ni awm hian kei zawng ka ring thei si lo.