Ka phu lo che

Phuahtu: Lalvenchhunga (Mavena)
Satu: Agnes VL Ralte

Biahthu kan hlan ka dawnkir,
Thenna thu kan tiam ngai lo;
I thaikawi biahthu ka chhiar chhuak,
Thenna thu reng a awm si lo,
Mahse, eng vang nge lengdang min belh san,
Ka tuar thiam lo, i tan hian, aw, ka tling lo maw?

Ka hawi vel engkimin suihlunglen an ti zual,
Nang nen kan tuanna tlang ka fan changin;
Mahse, lam ang chu lo let tawh lo la,
Min dem bik suh, tumtawk leng ka chhai ta'ng e,
Nang zawng ka phu lo che, ka phu lo che a ni.

Tuanna tlang lo dang rih mahse, 

Rinawmin lo awm reng la;
Dar ang tawn leh ni her hun chuan

Hlim ten i leng dun ang aw,
Tiin kan tiam hun ni zawng a her ve ta,
Mahse, kumtluang thenna kawl, aw, a lo eng leh ta si.

Biahthu min hlan lai khan,
Leng dang min belh san hi ka ring ngai lo;
Mahse, tunah ariang ka chan,
Ka dawnsei ngam lo, a na e,
Ka hlim leh lawmna ber i hmangaihna chuan,
Fam loh dairial mi chantir, aw, a na ngei e.