Lunglen

Phuahtu: John Mawitea & Mapuii Fanai
Satu: F Laldinmawii

Ni chhun a rei ngei zan tiang hrui ang sei si,
Tuar thiam a har ngei i zun zama uai hi;
Tanglaiah min phuar reng asin, lungrun,
Zan mu chhin a har i zun zam hian,
Laikhum zawlah mahte'n tlaikhua ka var leh thin.

Han hawi velin tlang tin tuahpui leh vau an vul,
Ka thlir ning thei lo suihlung min len e;
Murva len thiamah han chang ila,
Eng dang reng lungkham lo vin,
Tlang tin mual tin chuanin leng der der ila,
Nang ngaih lunglen a dam ngei ang.

Nang ngaih vang hian e tah khua a sei e,
Min dawn pui lo ariang ka chan tur hi;
Kan nunhlui tham hnu dawnin,
Mahte'n tlai ni ka lo leng thin asin,
Nang zawng min ngai lo te'n maw, tang dang i bel ta si.

Nunhlui hnutiang chhawn zai ka rel lo,
Ral tiang romei zam ri riai;
Suihlung mu hnu a kai tho ve,
Aw, ka dawn vawng vawng thin che,
Lunglam ka vai ruai e.