Lungrun (Samuel Chhangte sak)

Phuahtu: Jonathan Hmingthantluanga
Satu: Samuel Chhangte

Lungchim tea ka dawnkir changin,
Nang nen suihlungruala kan lenlai ni;
Hmanlai chang mai tura'n ka phal thei lo,
Mahse, bawihte, ngaih lungherin zamual i liam ta maw?

Min dem lo la, lungrun, zaiin ka chawi nang e,
Nang ngaih vangin lungrun, luaithli ka nul asin;
Ariang ka tan a na chuang ngei,
Tah khua a sei thlawn, bawihte, ka ngai em che.

Leng dang tawnah i liam ni khan e,
Nang ngaih vangin luaithli ka nul asin;
Mahse, min dawn lo te'n i liam ta maw,
Mahse, bawihte a riang ka tan, a na, a na vawng vawng.

Hmangaih biahthu nem ten min hlan kha,
Enga'n tiang leh tura'n min lo hlan le;
I tan ka tling lo nge, min tum lo zawk,
Suihlungmawl hian ka tuar thiam lo, bawihte, ka ngai em che.