Pialral

Phuahtu: Mendal & Young Fella
Satu: Mendal

Eng pawh lo thleng sela ka vuan reng zel ang che,
Thihna chauh lo chuan min then hrang lo'ng tiraw?
Mahse, hringnun Khuanu'n a duan,
Kan chan tur a duan, engma'n a thlak lo,
Natna khirh pawh kan chan tura duan,
Vui thei kan ni lo, khuarel a ni si.

An sawi pialralah ngei chuan min lo hmuak ve rawh aw,
Tahchuan inthen a awm tawh lo'ng an ti thin;
Hlim leh lawmin kan leng tawh ang.

Eng pawh lo thleng sela ka vuan reng zel ang che,
Thihna chauh lo chuan min then hrang lo'ng tiraw?

Natna i do zawh loh tur i chhungrila a fan che khan,
Pa hnenah ka tawngtaiin ka dil thin a, i dam nan,
Mahse, chhanna ka dawng lo lam a ni lo,
Natna kal bo sana damna i chan theih nan akiangah a hruai che,
He hringmi tan chuan a na a ni,
Pian nawn leh hi ka ring ngai lo, mahse, ka beisei tho,
Kan hringnun hun lehah chuan ka chelh tlat ang che,
I ban pawh inchhawng sang tak tla tur,
Ka dawm ang mai khan ka thlah lo vang.

An sawi pialralah ngei chuan min lo hmuak ve rawh aw,
Tahchuan inthen a awm tawh lo'ng an ti thin;
Hlim leh lawmin kan leng tawh ang.

Khuanu ruat zelin lei hringmi nun hi,
Ariang tein he khawvel hi pal tlang mai ang aw.

An sawi pialralah ngei chuan min lo hmuak ve rawh aw,
Tahchuan inthen a awm tawh lo'ng an ti thin;
Hlim leh lawmin kan leng tawh ang.