Beiseina atthlak

Satu: Absalom

A huaisenna sawmkhawmin "Dam maw?" tih thu a text,
"Dam lawm...nang zawk?" tih chhanna mawi a lo thleng;
Chu chhanna duhawm tak mai chuan a thinlung chu a tinui a,
Chutin a lungril chu kipte'n a hlan ta a.

Hmangaihtu thinlung hianin chin lem a nei si lo,
Duhluatna hian beiseina atthlak min neih tir fo;
Hmangaihna bual at a nih lai a biahthu di a hrilh zan khan,
A beiseina neih zawng te chu khuin a zam ral ta.

A thinlairil luahtu he thu hi lo ngai la,
Ka dem lo che suihlungten zawng a awm thei ngei;
Mahse, kam dam leh mawi zawkin khual pang inchhawn chin pawh nise,
Biahthu tluang hlan let chu sual hian a mawi em ni?

Awih lai ka thian, nang pawh i tan hei ka hlan ve,
Hringnun lamtluang zauvah dawhthei a tluang ngai e;
Kan duhthusam leh ruat ang a kal lai a her loh chang pawhin,
Pawm thiam zel nun neih hi malsawm kawng ni ngai e.