Kan nghilh lo'ng che

Phuahtu: Rebecca Saimawii
Satu: Rebecca Saimawii, Rintea

Hlimtea laitual len laiin,
Chatuan ram min lo pansan ta maw;
Chhungkhat laina te tana malsawmna,
Kan hlimna leh kan lawmna.

He khawvel hrehawm kalsanin,
Mual min liam san ta maw, kan ngaithiam lo,
Khuanu leng erawh zawng kan dem mawlh lo,
Kan tuara'n zawng a na lua e.

Kan nghilh lo'ng che khuareiah pawh,
A thar zel thin i sulhnu zawng;
Kumpuisul lo vei zel hian,
Min hnem lo, a thar zel thin, thinlaiah.

I rimawi, perhkhuang zawngte hian,
Nang ngaih an ti zual e aw, thinlaiah,
Kan thlir, kan en ning lo, i chhung zawng ten,
Kan vawng reng ang, aw, i tan chauh.

I tana kan inpekna te,
A tlem lua e, aw, min ngaidam la;
Theih chang se kohkir leh ka nuam ngei e,
Hringmi ianga i vullai ni.

Van hmun mawi kan lo thlen hunah chuan,
Min lo hmuak ang che, aw, tual nuamah,
I hmangaih chun leh zua leh unaute nen,
Lal hmaah fakna hla kan sa ang.