Lung tileng chuang ngaihrimtui

Phuahtu: Romani
Satu: Tlanglawma, Lalthansanga Ralte, Zoherliani

Lung tileng chuang, ngaihrimtui, thinlaiah mi kham lian e;
Biahthu di ka hrilh ngam ve si lo che tawh changin,
I ngai hian kei zawng chhawl ang ka uai awm e,
Tuar tawkin Khuanu'n min rel si lo, aw, ka tuar zo lo.

Chung Pathian mal tin sawmin duh leng tawnah hlui dunin,
Mal kim tluan a hlan ang che, dam reng la kumtluangin,
I ngai hian kei zawng chhawl ang ka uai awm e,
Tuar tawkin Khuanu'n min rel si lo, aw, ka tuar zo lo.

Aw, ka sawi chiam mai dawn em ni, kan nun kha, ainawni,
Lungdam tea hmana kan...awi maw...ka nghilh dawn lo;
I ngai hian kei zawng chhawl ang ka uai awm e,
Tuar tawkin Khuanu'n min rel si lo, aw, ka tuar zo lo.

Aw, ka enchim loh parte, dam chhungin ka ngai ang che,
I zun ngai ka tham vel e, lunglem ka nei si lo;
I ngai hian kei zawng, chhawl ang ka uai awm e,
Tuar tawkin Khuanu'n min rel si lo, aw, ka tuar zo lo.