Sese thu di

Phuahtu: Lallianmawia Pachuau
Satu: Lallianmawia Pachuau, Mathlenga

Hlimin an lêng siau siau e,
Zalêng rual duh zawngte;
Kawp lai di nen lungchimte’n,
An chên e damlâi pialrâl.

Kei pawn ka di tangah pawmin,
Biahthu ka hlân e;
Sese thu di kan hril dûn a,
Suihlung kan rual ngei;
Kumtluang sam ang then lo turin,
Biahthu kan hlân dûn a.

Thihni sei tur dâwn châng hian,
Hlim zâi vawr mai loh chu;
Hringnun damchhung tawitê an,
Eng dang thlan tur a awm chuang lo.

Chhuihthangval rual leh lanu,
Hlimten kan her siau e;
Zawlkhawpui laitual mâwiin,
Kan chên e damlâi pialrâl.