Vul dun rial rial /Zonunmawi

Phuahtu: CFL Hmingthanga
Satu: CFl Hmingthanga

Aw, a mawi chuang ngei e, aw, kan Zoram nuam hi;
Ka hril seng lo che aw, zai leh lamin,
Pi pu mihrang dairial chang tawh hnu te'n,
Biahthu an rawn hlan e, thang leh thar te,
"Vawng zel r'u aw, Zonunmawi tlawmngaihna" min ti.

Zonunmawi, par ang lo vul zel ang che,
Thanlai bang lo tea rinawmna vawng zelin;
Sappui doral tui ang lo lian mahse,
Zonunparah ngei vul dun rial rial ang aw.

Ram chhan vanga nun pek huam kan ni ngai e,
Kan hmaih thelh ngai lo ve riangvai, chanhai;
Unau za kan ni e nang leh kei hi,
Lenna tlang leh mual te lo dang mahse,
Chhuahna Chhinlung Zofaah kan dang chuang si lo.

Mahse maw, hnamdang nun zia kan chawi sang zel,
Kan Zonunmawi kan hnawl mai dawn em ni?
Rinawmna leh dikna par an chuai,
thlang kawrvai lian te'n min chimbuai mahse,
Nghilh ni ka nei lo'ng che, Zonunmawi, kumtluang.