Khuahmunah

Phuahtu: Tommy L Pachuau
Satu: Tommy L Pachuau

Khuahmuna lengin maw,
Intawn ni awm thei si lo;
Kan tiam thu di zawng kha,
I vawng dun zel ang aw.

Aw, i tel lo chuan hlim ni awm si lo;
Zaleng zawng zingah nang chauh ka thlang ber che;
Tu dang ngai lo te'n,
Kumtluangin suihlung rualin leng ang aw.

Mual hla kar dana leng iangin,
I cham reng si a;
Ngaihzual changin kei zawng,
Eng dang ka dawn thei lo.

Tang dang mi belh san tura'n,
Ka phal thei mawlh lo che;
Karah hmelma lo hrang mahse,
Nghilh thei hian kan mawi lo.

Buaina karah hun hmang dun zel ila,
Chutin duhaisam a kim ngei ang.