Tawnmang lasi

Phuahtu: Saitluanga (St-a)
Satu: Zolawra leh Athiante, C Lalrinmawia, C Sanga, Tommy L Pachuau, Vanlalsailova

Hmasang an hril, hrang mi iangin,
Zawlnu lasi lengtinkhumi;
Tawnmang lamah ban vuanin khamrang kan lo kai a,
Hrilh ka thiam nem maw ankain,
Daifim vur leh thingsiri par,
Arkai thlapui eng pawhin i sakhmel a iang zo lo.

Aw, cham rih la, Zawlnu siali,
I dungthul reng he lei chinah;
Ka tawng lo'ng e, kumtluang pawhin,
Nghilh i har dawn ngei e,
Theih chang ve se nang chelh nan chuan,
Zantiang siar leh chhawrthlapui,
Dang kir nang e, van chung sangah,
Tawnmang ti sei tura'n.

Zankhua a rei lo ngei e maw,
Zawlnu, nang nen tawnmang lamah;
Chhawlthing hnuaiah i sakhmel sensiar nui mawi tling la,
A liam ta maw, zing tianah,
Bawhar zai ri kar min dangtu,
Theih chang ve se kumtluang thai ka tan chang ve se la.

(He hla hi a satute hian sak dan danglam hret hret an nei a, kan zirchianin a hla sa hmasa ber pawl Pu C Lalrinmawia sak dan hi a dik ber turah kan ngai a, chumi ang chuan a hla thu hi kan rawn tarlang a ni e)